idmanın faydaları

shabi
_İdman etməyin sağlamlığımız üçün olan faydalarından hamımız xəbərdarıq. Bəs rəqs etməyin şən idman növü olduğunu bilirdiniz? Qarşınızda rəqs etməyin 6 faydası…_
*1. Beyin sağlamlığını qoruyur.*
Alman alimlər tərəfindən aparılan araşdırmaya görə, rəqs etmək alzheimer kimi xəstəliklərə qarşı gəlir. Beynin inkişafını dəstəkləyir və yaddaşı gücləndirir.
*2. Ağrıları azaldır.*
Aparılan araşdırmalara görə rəqs etmək ehtiyacımız olan efort və sinxronizasiyanı təmin etdiyi üçün bədənimizdəki ağrıların da azalmasına yol açır.
*3. Elastiklik, enerji və xoşbəxtlik!*
Rəqs etmək şən bir fəaliyyətdir. Bədənimizin elastikləşməsinə və enerji toplamağımıza kömək olur. Rəqs etdiyimiz zaman xoşbəxt hiss edirik.
*4. Ruhi problemləri aradan qaldırır.*
Depressiya, anksiyete, yemək problemləri və narkotik asılılığı kimi bir çox sağlamlıq problemləriylə günümüzdə tez-tez qarşılaşılır. Lakin rəqs etmək bütün bu psixoloji narahatlıqları aradan qaldırmağa kömək edir.
*5. Çəki itirməyinizə kömək edir.*
Rəqs etməyin başqa bir avantajı da, hər gün edildiyi zaman çəki itirməyinizə səbəb olur. Aparılan araşdırmalara görə aerobika ən az velosipedə minmək və ya qaçmaq qədər effektivdir.
*6. Ürək sağlamlığınızı qoruyur.*
Rəqs etmək ürək-damar xəstəliyi riski olan insanlar üçün çox faydalı bir fəaliyyətdir. Aparılan araşdırmalara görə ürək çatışmazlığı olan insanlar idman olaraq rəqs edə bilərlər.

Mən səni sevəndə yaz havasıydı

gulu1096
```Mən səni sevəndə yaz havasıydı,
Neyləyim, taleyin gözü tökülsün.
Həyatım əlində quş yuvasıydı,
Quran özün oldun, uçuran özün.

Mən səni sevdim ki, yoldaş olasan,
Həyatın ən ağır, dar yollarında.
Demədim axırda bir daş olasan,
Qədim qəbristanda, yol kənarında.

Mən səni sevdim ki, yuyur, qaç, oyna,
Yenə seçilməsin ətrin bahardan.
Demədim təzədən gizlənpaç oyna,
Axşam yuxuma gir, səhər qaç ordan.

Yadıma nə düşür!-sənin ad günün,
Biz qoca deyirdik, dünya təzəymiş.
İli yox, həyatda insan ömrünün,
Anı da tarixi bir hadisəymiş.```

*_✒️Nəriman Həsənzadə_*

istək şeir

gulu1096
```Mən uzaq səfərə yol alan gəmi,
Səni tərk edirəm bir liman kimi.
Qorxma ayrılıqdan burax əlimi,
Sevgi ayrılıqdan güclüdü vallah.

Dünyada nə qədər sevgi var bil ki,
Sən mənim dilimin əzəli, ilki.
Qorxma ayrılıqdan ölüm deyilki
Sevgi ayrılıqdan güclüdü vallah.

Sən hələ bilmirsən ayrılıq nədir
Hər səfər könlünü sıxır inlədir.
Ayrılan cisimdir, ruh səninlədir
Sevgi ayrılıqdan güclüdü vallah.

Sənsiz həyat deyil ömür gün mənə,
Tək sənsən ürəkdən yanan sən mənə.
Qorxma ayrılıqdan inan sən mənə,
Sevgi ayrılıqdan güclüdü vallah.

Qorxu intizar var ağlar gözündə
Neçə yalvarış var bircə sözündə.
Bir gün biləcəksən elə özün də
Sevgi ayrılıqdan güclüdü vallah.

Nə fərqi yaxınam yada uzağam
Hələki səninəm, nə qədər sağam.
Ölsəm o dünyadan qayıdacağam
Sevgi ayrılıqdan güclüdü vallah.

Göz yaşı əbəsdi, çıxıb gedəcəm
Könlümü odlara yaxıb gedəcəm.
Mən sənə, hamıya sübut edəcəm
Sevgi ayrılıqdan güclüdü vallah...🌚🖤```

Nitq qüsurları

gulu1096
Nitq qüsurları🗣️

1. Dislaliya-normal inkişaf etmiş nitq və eşitmə olduğu halda səs tələfüzünün pozulması📚

2. Alaliya-uşağın bətndaxili və ya erkən inkişaf dövründə baş beyin qabığının üzvi zədələnməsi nəticəsində nitqin olmaması📚

3. Afaziya-baş beyin lokal zədələnməsi nəticəsində nitqin qismən və ya təmamən olmaması📚

4. Rinolaliya-(tın-tın danışmaq; yəni burnunda danışmaq) nitq aparatının anatomik fizioloji qüsuru nəticəsində səs tələffüzünün və səs tembirinin pozulması📚

5. Dizartriya-nitq aparatının inneversiyasının çatışmamazlığı nəticəsində nitq tələffüzünün pozulmasl📚

6. Disfoniya-səs tellərinin pataloji pozulması📚

7. Afoniya- səsin tam batması📚

8.Bradilaliya- nitq tembirinin pataloji yavaşıması(yəni həddən artıq yavaş yavaş danışmaq)

9. Taxilaliya-nitq temoinin pataloji tezləşməsi(yəni həddən artıq tez tez danışmaq)📚

10. Disleksiya-oxu prosesinin pozulması📚

Nəzirova Jalə🌹-Loqoped_Defektoloq.

azərbaycanda karantin rejimi tam bu vaxt ləğv ediləcək

besti18
azərbaycanda karantin rejimi tam bu vaxt ləğv ediləcək
foto
Azərbaycanda karantin ümumiyyətlə ləğv oluna bilərmi?


Bu və digər suallara terapevt, Tibb elmləri namizədi Eldar Kamranovun müsahibəsində cavab verib.










Peyvənd olunanlar arasında təkrar yoluxma halları var. Xəstəliyi qarşıdakı həftələrdə nəzarətdə saxlamaq mümkün olacaq?










- Vaksinasiyadan təxminən bir ay sonra bədəndə anticisimlər (immunoqlobin-C) formalaşır. Yəni birinci dozadan 4-5 həftə sonra xəstəliyə qarşı immunitet yaranır. Peyvəndin müsbət nəticəsini biz müəyyən vaxtdan sonra hiss edəcəyik. Baxmayaraq ki, heç kim ikinci dəfə yoluxmadan sığortalanmır. Minimum peyvənd 5-6 ay xəstələrdə imunnitet yaradacaq. Dövlət pandemiyanı bu qədər nəzarətdə saxlamasa o zaman yoluxma sayı ağılkəsməz səviyyədə olardı, bəzi ölkələrin gününə düşə bilərdik. Hazırda ölkəmizdəki epidemioloji vəziyyət dözüləsi həddədir. Xəstəlik tam olaraq dövlətin nəzarətindədir.










Vaksinin iki dozası vurulan şəxslərə karantin qaydaları ilə bağlı hansısa güzəştlər edilə bilərmi?










- Düşünürəm ki, yaxın gələcəkdə əgər sərt karantin rejimi tətbiq edilərsə vaksinin hər iki dozası vurulan vətəndaşlarımız üçün imtiyazlar ola bilər. Bu məsələ çox real görünür, çox düzgün də qərar olar. Həmin şəxslər karantin rejiminin bir çox qaydalarından azad ola bilər.










COVİD-ə təkrar yoluxma həyati təhlükə yarada bilərmi?










- Müşahidəmə əsasən deyə bilərəm ki, təkrar yoluxan xəstələr xəstəliyi çox yüngül keçirirlər. Özləri də etiraf edirlər ki, "doktor, əvvəlki vəziyyət deyil". Təkrar yoluxanlar da hiss edir ki, artıq əvvəlki kimi sərt ağrılar, yüksək temperatur olmur. Çünki xəstəliyi keçirənlərin bədənində artıq anticisimlər formalaşıb.










Koronavirus təhlükəsindən xilas olmağımız üçün əhalinin neçə faizinin peyvənd olunması vacibdir?










- Təxminən əhalinin yarısı peyvənd olunarsa, kollektiv immunitet formalaşar və nəticədə yoluxanların sayı çox aşağı düşər. Ümumi götürsək, xəstəliyi keçirənlərlə peyvənd olunanlar əhalinin 2/3 hissəsini, 65-70%-ni təşkil etsə, COVİD təhlükəsi tam dayanar və bütün məhdudiyyətlər aradan götürülə bilər".

tahir kərimlinin babasının mirası oğurlandı

besti18
tahir kərimlinin babasının mirası oğurlandı
foto
Azərbaycanda deputatın qardaşının evindən oğurluq edilib.










Goldnevs.ml xəbər verir ki, hadisə Ağsu rayonunun mərkəzində yerləşən fərdi yaşayış evlərindən birində qeydə alınıb.










Belə ki, rayon sakini, Milli Məclisin deputatı Tahir Kərimlinin qardaşı Fəxrəddin Kərimli ona məxsus evdən antikvar samovar və elektrik kabellərinin oğurlanması barədə rayon polis şöbəsinə müraciət edib.










"Bakıya getmişdim, qayıdandan sonra gördüm ki, evimizə oğrular girib. Oğrular evdə müəyyən ziyanlı işlər görüblər. Samovar babalarımızdan qalma əşya idi və antikvar idi", - zərərçəkən F.Kərimli deyib.










Hadisəni törədən Ağsu şəhər sakini, əvvəllər məhkum olunmuş Elçin Eyvazov saxlanılıb.










Faktla bağlı Ağsu Rayon Polis Şöbəsində araşdırma aparılır.










Məlumat üçün bildirək ki, Fəxrəddin Zayıdağa oğlu Kərimli 2020-ci ildə Milli Məclisə keçirilən seçkilər zamanı T.Kərimlinin rəhbəri olduğu Vəhdət Partiyasının səlahiyyətli nümayəndəsi olub.

hüseyn abdullayevin vəziyyəti ağırlaşdı

besti18
hüseyn abdullayevin vəziyyəti ağırlaşdı
foto
Xəbər verdiyimiz kimi, bir neçə gündür vergidən yayınmaqda və qanunsuz sahibkarlıqda ittiham edilərək həbs edilən sabiq deputat, “Quska” ləqəbli Hüseyn Abdullayev saxlanıldığı müəssisədə aclıq aksiyası keçirir.







Goldnevs.ml xəbər verir ki, H. Abdullayevin vəkili Elçin Sadıqov dünən müvəkkili ilə görüşdüyünü bildirib.







O qeyd edib ki, H. Abdullayev ona hələ çəkisinin və təzyiqinin yoxlanılmadığını bildirib: “Kəskin baş ağrılarından, ürəkbulanmadan, qarın nahiyəsi və aşağı hissədə kəskin sancılardan əziyyət çəkir. Dodaq və ətrafında yaralar əmələ gəlib. Heç olmasa, su içməyini israrla xahiş etdim. Bu gün məlumat aldım ki, Hüseyn Abdullayevin bağırsağından qan açılıb”.

dünya çempionuna ağır itki

besti18
dünya çempionuna ağır itki
foto
Yeniyetmələrdən ibarət Azərbaycan milli komandasının məşqçisi Ağası Məmmədova ağır itki üz verib.



Goldnevs.ml-ın məlumatına görə, dünya çempionu və 2004-cü il Afina Yay Olimpiya Oyunlarının mükafatçısının atası Ağagül Məmmədov 72 yaşında vəfat edib.



Bununla əlaqədar Azərbaycan Boks Federasiyası mərhumun yaxınlarına başsağlığı verib.



Allah rəhmət eləsin!

bakı metropoliteni qsc-nin müşahidə şurasının ilk iclası

fidan19
Azərbaycan Respublikası Prezidentinin 2021-ci il 30 mart tarixli Sərəncamına əsasən yaradılmış “Bakı Metropoliteni” Qapalı Səhmdar Cəmiyyətinin Müşahidə Şurasının ilk iclası keçirilib.

Goldnews.ml xəbər verir ki, Azərbaycan İnvestisiya Holdinqinin İctimaiyyətlə Əlaqələr və Marketinq Şöbəsindən APA Economics-ə verilən məlumata görə, Müşahidə Şurasının sədri, iqtisadiyyat nazirinin müavini Elnur Əliyevin sədrliyi ilə keçirilən iclasda Müşahidə Şurasının üzvləri, “Bakı Metropoliteni” Qapalı Səhmdar Cəmiyyətinin idarə heyətinin sədri Zaur Hüseynov və QSC-nin digər vəzifəli şəxsləri iştirak ediblər.

İlk olaraq “Bakı Metropoliteni” QSC-nin Müşahidə Şurasının sədri və üzvləri göstərilən etimada görə dövlət başçısına minnətdarlıqlarını bildiriblər.

Müşahidə Şurasının sədri Elnur Əliyev iclasda vurğulayıb ki, sərnişinlərin metro nəqliyyatında daşınmasını həyata keçirən, habelə metropolitenin maddi-texniki bazasını gücləndirməklə, yeni metropoliten xətlərinin və stansiyalarının tikintisini icra etməklə metropolitenin inkişaf etdirilməsini təmin edən dövlət şirkəti olaraq Bakı Metropoliteni ölkənin nəqliyyat sektorunda vacib rol oynayır. Bakının geniş ictimai nəqliyyat infrastrukturu olan Bakı Metropoliteninin müasir standartlar səviyyəsində təkmilləşdirilməsi, yeni texnika və texnologiyaların tətbiqi istiqamətində son illər əhəmiyyətli işlər görülüb. Hazırda qarşıda duran əsas vəzifə bu addımların iqtisadiyyatın yeni inkişaf mərhələsinin tələbləri səviyyəsində davam etdirilərək gücləndirilməsidir. Yeni mərhələdə idarəetmə və nəzarət mexanizmlərinin təkmilləşdirilməsi, fəaliyyət dayanıqlığının artırılması və bu zaman yarana biləcək təşkilati məsələlərin operativ qaydada aradan qaldırılması xüsusi önəm daşıyır.

“Bakı Metropoliteni” Qapalı Səhmdar Cəmiyyətinin fəaliyyətinin təkmilləşdirilməsi və daha da inkişafına yönəldilmiş addımların atılması Müşahidə Şurasının əsas vəzifəsidir. Cənab Elnur Əliyev əminliyini bildirib ki, Müşahidə Şurası QSC-nin idarə heyəti ilə əməkdaşlıq müstəvisində çalışaraq qabaqcıl təcrübə və müasir idarəetmə çərçivəsində Cəmiyyətin fəaliyyətində səmərəliliyi artırmaq, onun idarə edilməsini müasir korporativ idarəetmə standartları nəzərə alınmaqla təkmilləşdirmək istiqamətində fəaliyyət göstərəcəkdir.

Daha sonra “Bakı Metropoliteni” Qapalı Səhmdar Cəmiyyətinin sədri Zaur Hüseynov QSC-nın fəaliyyəti üzrə aktual məsələlərlə bağlı çıxış edib. O, yeni iqtisadi çağırışlar dövründə “Bakı Metropoliteni” QSC-nin Müşahidə Şurasının yaradılmasını QSC-nın gələcək uğurlarının başlanğıcı olacağına inamını ifadə edib.

İclasda eyni zamanda “Bakı Metropoliteni” QSC-nin korporativ idarəetmə sisteminin prinsipləri, Müşahidə Şurasının funksiyası və səlahiyyətləri ilə bağlı Müşahidə Şurasının üzvü, Azərbaycan İnvestisiya Holdinqinin Baş icraçı direktorunun müavini Zaur Qurbanovun təqdimatı dinlənilib, Azərbaycan Prezidentinin Fərman və Sərəncamlarından irəli gələn vəzifələrin icrasının təmin edilməsi məqsədilə həyata keçiriləcək tədbirlərlə bağlı müzakirələr aparılıb.bakı metropoliteni qsc-nin müşahidə şurasının ilk iclası
foto

xanlar vəliyev tərtər işindəki işgəncələrdən danışdı

besti18
xanlar vəliyev tərtər işindəki işgəncələrdən danışdı
foto
Mediada şərti olaraq “Tərtər İşi” adlandırılan sensasion hadisələrin detalları açıqlandıqca Azərbaycan hakimiyyətinə tənqidlər artmağa başlayıb. Dünyanın nüfuzlu insan haqları təşkilatlarından biri olan İşgəncələr Əleyhinə Beynəlxalq Komitə “Tərtər İşi” ilə bağlı hesabat yayaraq, hərbçilərə verilən dəhşətli işgəncələri açıqlayıb. İşgəncə faktlarına görə ittiham olunan Azərbaycanın Hərbi Prokuroru Xanlar Vəliyev Gununsesi.info-nun sorğusuna cavab verib.



Hərbi prokuror bildirib ki, bu barədə iddiaları qəbul etmir: “Mən bu iddiaları eşitmişəm. Amma yalandır. Ümumiyyətlə, hesab edirəm ki, bu nağıldır və kim danışırsa, nağıl söyləyir”.



Konkret faktları hərbi prokurora xatırlatsaq da ancaq Xanlar Vəliyev “mətbuat xidmətimə müraciət edin, geniş açıqlama alın” deyərək, telefonun dəstəyini asıb.



Qeyd edək ki, 2017-ci ilin may ayında Baş Prokurorluq, Dövlət Təhlükəsizliyi Xidməti, Müdafiə Nazirliyi və Daxili İşlər Nazirliyi birgə bəyanat verərək, hərbçilərin Ermənistan xüsusi xidmət orqanlarının xeyrinə casusluq ittihamı ilə tutulduğunu bildirdilər.



Daha sonra 2019-cu ildə tədricən daha geniş ictimaiyyət, rəsmi və qeyri-rəsmi olaraq casusluqda şübhəli bilinən hərbçilərə qarşı işlərin detallarını, xüsusən də 2017-ci ilin may və iyun aylarında edilən kütləvi işgəncələri açıqlamağa başladı.



Azərbaycan hüquq müdafiəçilərinin bildirdiyinə görə, Azərbaycan Silahlı Qüvvələrinin 100-dən çox əsgər və zabitinə işgəncə verilmiş, 25 nəfər uzun müddətli həbs cəzası almış və ən azı doqquzu işgəncədən ölmüşdür. Xüsusilə təqaüddə olan podpolkovnik Saleh Qafarov “əllərini və ayaqlarını bağlayıb, suda batırmış, cərəyan vermiş, dırnaqlarını çıxartmış, çənəsini sındırmış və əlləri bağlı insanı ikinci mərtəbədən atmışdılar. Bunu məhkəməyə onun həyat yoldaşı eşitdiklərindən bildirmişdir.



Bundan sonra komaya düşənə qədər işgəncə verməyə davam etmişdilər.



Keçmiş bölük komandiri, kapitan rütbəsi olan Vaqif Abdullayevin dediyinə görə o, ac saxlanılmış, çılpaq vəziyyətdə üzərinə soyuq su atılmış, elektşok ilə işgəncə verilmişdir, sonra isə ordudan qovulmuşdur.

markelə astrazeneca peyvəndi vuruldu

besti18
markelə astrazeneca peyvəndi vuruldu
foto
Merkelə "AstraZeneca" peyvəndi vuruldu
















Almaniya kansleri Angela Merkel yeni növ koronavirusa (COVID-19) qarşı peyvənd olunub.










Goldnevs.ml-ın xəbərinə görə, bu barədə Almaniya kanslerinin mətbuat katibi Steffen Seibert məlumat verib.










O bildirib ki, Almaniya kanslerinə "AstraZeneca" peyvəndi vurulub.










“Şadam ki, bu gün "AstraZeneca"nın ilk dozasını vurdurdum. Mən vaksinasiya kampaniyasına qoşulan və vaksin vurduran hər kəsə təşəkkür edirəm. Vaksinasiya pandemiyanın öhdəsindən gəlmək üçün çox vacibdir”, - deyə A. Merkel qeyd edib.










66 yaşlı kansler peyvəndi Berlinin keçmiş Tempelhof hava limanında xüsusi quraşdırılmış “AstraZeneca”nın mərkəzində vurdurub.










Qeyd edək ki, aprelin əvvəllərində Almaniya Prezidenti də “AstraZeneca” ilə peyvənd olunub. Almaniyada bu peyvəndin 60 yaşdan aşağı şəxslərə vurulması qadağan olunub.

bölmə komandirlərinin müavinləri ilə görüş keçirilib

besti18
bölmə komandirlərinin müavinləri ilə görüş keçirilib
foto
Müdafiə naziri general-polkovnik Zakir Həsənovun tapşırığına əsasən, birlik, birləşmə, qoşun qisimləri, əlahiddə bölmə komandirlərinin və xüsusi təyinatlı hərbi təhsil müəssisələri rəislərinin ideoloji iş və mənəvi-psixoloji təminat üzrə müavinləri ilə Silahlı Qüvvələrin Təlim və Tədris Mərkəzində 2021-ci ilin birinci rübünün yekunlarına dair toplantı keçirilib.










Bu barədə Müdafiə Nazirliyindən məlumat verilib.










Əvvəlcə Azərbaycan xalqının ümummilli lideri Heydər Əliyevin və ölkəmizin ərazi bütövlüyü uğrunda şəhid olanların xatirəsi bir dəqiqəlik sükutla yad edilib, vətən müharibəsində qəhrəmanlıq, əzmkarlıq və fədakarlıq göstərən hərbi qulluqçuların döyüş yolu və qabaqcıl təcrübəsi qeyd edilib.










Toplantıda çıxış edən Müdafiə Nazirliyi Şəxsi Heyət Baş İdarəsinin İdeoloji İş və Mənəvi-Psixoloji Təminat İdarəsi rəisinin müavini polkovnik Aydın Əyyubov Azərbaycan Ordusu qarşısında qoyulan vəzifələrin müvəffəqiyyətlə yerinə yetirildiyini bildirib. Azərbaycançılıq ideologiyası əsasında hərbi vətənpərvərlik tərbiyəsi və mənəvi-psixoloji hazırlıq səviyyəsinin, o cümlədən hərbi intizamın yüksəldilməsi və digər istiqamətlərdə görülən işlər, həmçinin qarşıda duran vəzifələr barədə toplantı iştirakçılarını məlumatlandırıb, müvafiq sahədə görüləcək işlər barədə Müdafiə nazirinin tapşırıqlarını tədbir iştirakçılarının diqqətinə çatdırıb.










Müdafiə Nazirliyinin Hüquq İdarəsi rəisinin müavini polkovnik Vüqar İsayev hərbi qulluqçuların statusu haqqında qanun layihəsi və hərbi qulluqçuların sosial müdafiəsi sahəsində qanunvericiliyin tələbləri barədə toplantı iştirakçılarına ətraflı məlumat verib.










Tədbirdə Əməkdar incəsənət xadimi, Prezidentin fərdi təqaüdçüsü polkovnik Abdulla Qurbani çıxış edərək Vətən müharibəsində Azərbaycan Ordusunun döyüş ruhunun, vətənpərvərlik hissinin, qələbə əzminin yüksək olmasında bölmə komandirlərinin ideoloji iş və mənəvi psixoloji təminat üzrə müavinlərinin əvəzsiz xidmətlərinin olduğunu diqqətə çatdırıb.










Toplantıda ordumuzun şəxsi heyətinin döyüş və mənəvi-psixoloji hazırlığına təsir edən bir çox mövzular ətrafında fikir mübadiləsi aparılıb.

peskovdan türkiyə ilə bağlı açıqlama

besti18
peskovdan türkiyə ilə bağlı açıqlama
foto
Peskovdan Türkiyə ilə bağlı açıqlama




“Türkiyəyə turizmlə bağlı tətbiq edilən qadağaların ikitərəfli əlaqələrə heç bir aidiyyəti yoxdur”.










Goldnevs.ml “Hurriyet”ə istinadən xəbər verir ki, bunu Rusiya prezidenti Vladimir Putinin mətbuat katibi Dmitri Peskov Türkiyəyə uçuşların məhdudlaşdırılmasının iki ölkənin əlaqələrinə təsiri ilə bağlı sualı cavablandırarkən deyib.










İki ölkə arasında əlaqələrin pisləşdiyi barədə iddiaları rədd edən D.Peskov bildirib ki, Rusiyanın Türkiyə ilə əlaqələri inkişaf edir. Onun sözlərinə görə, məlum qadağalar iki dövlətin əlaqələrinə soyuqluq gətirməyib: “Bu tamamilə Türkiyədə pisləşən pandemik vəziyyətlə bağlıdır”.










D.Peskov deyib ki, Türkiyə rəhbərliyi Rusiyanın qərarına anlayışla yanaşıb: “Əlbəttə, türk ortaqlarımız öz vətəndaşlarımız üçün narahatlğımızı anlayırlar. Əslində ortaqlıq da budur”.










“Bu qərar Türkiyə ilə Rusiya arasındakı əlaqələrdə soyuqluq yaranır anlamına gəlmirmi” sualına cavabında mətbuat katibi deyib: “Əlbəttə, xeyr”.










D.Peskov Türkiyə-Ukrayna münasibətlərinə dair sualı da cavablandırıb. O bildirib ki, qonşu ölkələrlə əlaqələri necə qurmaq Türkiyənin suveren hüququdur: “Türkiyə prezidenti Rəcəb Tayyib Ərdoğan və Ukraynanın dövlət başçısı Volodimir Zelenski arasındakı görüşlər ikitərəfli əlaqələr aiddir”.

azərbaycan meyvə-tərəvəz ixracını artırıb

fidan19
Bu ilin yanvar-mart aylarında Azərbaycan xarici ölkələrə 97 231,23 min ABŞ dolları dəyərində 89 906,74 ton meyvə-tərəvəz ixrac edib.

Goldnews.ml xəbər verir ki,”APA-Economics”in Dövlət Gömrük Komitəsinin hesabatı əsasında apardığı hesablamalarına görə, hesabat dövründə ötən ilin yanvar-mart ayları ilə müqayisədə ixrac olunan meyvə-tərəvəzin dəyəri 14,1% azalıb, həcmi isə 6,3% artıb.

Qeyd edək ki, bu ilin ilk rübündə Azərbaycandan ixrac olunan meyvə-tərəvəz məhsullarını əsasən tomat, meşə fındığı, alma, xurma və nar təşkil edib.

Hesabat dövründə 21 259,52 min dollar dəyərində 19 516,09 ton tomat ixrac edilib ki, bu da ötən ilin eyni dövrünün göstəricisini müvafiq olaraq 2,1 dəfə və 40,4% azdır.

Cari ilin yanvar-mart ayları ərzində 29 051,68 min dollar dəyərində (21,4% azalma) 4 681,18 ton (azalma 22,1%) meşə fındığı ixrac olunub.

Ölkədən həmçinin 5 611,11 min dollar dəyərində 14 131,13 ton alma ixrac olunub ki, bu göstərici üzrə dəyər olaraq 27,6%, həcm olaraq isə 22,3% azalma müşahidə olunub.

Bu ilin I rübündə ölkədən 31 865,68 min dollar dəyərində (2,3 dəfə artım) 42 342,91 ton (2,4 dəfə artım) xurma ixrac olunub.

İxrac üzrə hesabata cari ilin yanvar ayından etibarən nar məhsulu da daxil edilib ki, bu kateqoriya üzrə ilin ilk üç ayında 2 889,59 min dollar dəyərində 1 853,54 ton məhsul ixrac olunub.

azərtütün aqrar-sənaye kompleksi mmc özələşdirəcək

besti18
Prezident İlham Əliyev “Azərtütün Aqrar Sənaye Kompleksi” Məhdud Məsuliyyətli Cəmiyyətinin özəlləşdirilməsi haqqında sərəncam imzalayıb.

Goldnevs.ml xəbər verir ki, sərəncama əsasən, “Azərtütün Aqrar Sənaye Kompleksi” Məhdud Məsuliyyətli Cəmiyyəti (bundan sonra – Cəmiyyət) özəlləşdirilməyə açıq elan edilib.




Müəyyən edilib ki:




- Cəmiyyətin özəlləşdirilməsi investisiya müsabiqəsi vasitəsilə satışı üsulu ilə həyata keçirilir;




- Cəmiyyətin özəlləşdirilməsində yerli investorlarla yanaşı xarici investorlar da iştirak edir.




Azərbaycan Respublikasının İqtisadiyyat Nazirliyi Cəmiyyətin özəlləşdirilməsini “Dövlət əmlakının özəlləşdirilməsi haqqında” Azərbaycan Respublikasının Qanununa və Azərbaycan Respublikası Prezidentinin 2000-ci il 10 avqust tarixli 383 nömrəli Fərmanı ilə təsdiq edilmiş “Azərbaycan Respublikasında dövlət əmlakının özəlləşdirilməsinin II Dövlət Proqramı”na uyğun olaraq təmin etməlidir.




Cəmiyyət özəlləşdirilənədək “Azərbaycan Sənaye Korporasiyası” Açıq Səhmdar Cəmiyyəti onun idarə olunmasını və əmlakının qorunub saxlanılmasını təmin etməlidir.




Azərbaycan Respublikasının Nazirlər Kabineti bu Sərəncamdan irəli gələn məsələləri həll etməlidir.

azərbaycan qaz ixracını kəskin artırıb

fidan19
Bu ilin yanvar-mart aylarında Azərbaycan 867 067,72 min ABŞ dolları dəyərində 6 165 450,44 min kubmetr təbii qaz ixrac edib.

Goldnews.ml xəbər verir ki, "APA-Economics"in Dövlət Gömrük Komitəsinin dərc etdiyi hesabat əsasında apardığı hesablamalarına görə, bu ilin ilk rübü ərzində Azərbaycanın ixrac etdiyi təbii qazın dəyəri 2020-ci ilin müvafiq dövrünün göstəricisi ilə müqayisədə 5,4 dəfəyə yaxın, həcmi isə 4,4 dəfə artıb.

Xatırladaq ki, 2020-ci ildə Azərbaycan 2 190 522,13 min ABŞ dolları dəyərində 12 424 490,44 min kubmetr təbii qaz ixrac edib. Ötən il ərzində Azərbaycanın ixrac etdiyi təbii qazın dəyəri 2019-cu ilin göstəricisi ilə müqayisədə 7,44%, həcmi isə 0,9% azdır.

yaşayış yeri olmayanların nəzərinə

besti18
Yaşayış yeri olmayanların nəzərinə




“Yaşayış yeri olmayan şəxslərin sığınacağa yerləşdirilməsi üçün xüsusi qaynar xətt yaradılacaq”.










Goldnevs.ml xəbər verir ki, bunu Sosial Xidmətlər Agentliyinin idarə heyətinin sədri Vüqar Behbudov bildirib.










O qeyd edib ki, yaxın vaxtlarda həmin qaynar xətt istifadəyə veriləcək: “Buna xüsusən qış dövründə ehtiyac yaranır. İstənilən şəxs bu qaynar xəttə hansısa vətəndaş barədə müraciət edə bilər. Biz dərhal həmin şəxsi müəssisəyə yerləşdirə bilərik”.

rüşvət alan müstəntiqlə bağlı açıqlama

besti18
rüşvət alan müstəntiqlə bağlı açıqlama
foto
Bəzi kütləvi informasiya vasitələrində vətəndaş Kamal Kamilovun Binəqədi rayon Polis İdarəsinin sabiq müstəntiqi Tural Aslanova rüşvət verməsi barədə müraciətinin prokurorluq orqanları tərəfindən araşdırılmaması barədə məlumatlar yayılıb.

Baş Prokurorluğun mətbuat xidmətindən APA-ya verilən məlumata görə, yayılan məlumat təkzib olunur: "Kamal Kamilovun qeyd edilən müraciəti üzrə Bakı şəhəri, Binəqədi rayon prokurorluğu tərəfindən araşdırma aparılıb və müraciətdə göstərilən xüsusatlar öz təsdiqini tapmadığından 04 iyul 2020-ci il tarixdə cinayət işinin başlanmasının rədd edilməsi haqqında qərar qəbul edilib. Həmin qərar barədə Kamal Kamilov məlumatlandırılmaqla ona qərardan şikayət vermək hüquqları izah edilib.

Bununla yanaşı bildirilir ki, Kamil Kamilovun oğlu İsmət Kamilovun təqsirləndirildiyi cinayət işi Bakı Ağır Cinayətlər Məhkəməsinə göndərilib və məhkəmə tərəfindən ittiham hökmü çıxarılıb".

azərbaycan yanvar-martda 7 mln. tondan çox neft ixrac edib

fidan19
Bu ilin yanvar-mart aylarında Azərbaycan 7 047 438,98 ton bitumlu süxurlardan alınmış xam neft və xam neft məhsullar ixrac edib ki, bu da illik müqayisədə 7% azdır.

Goldnews.ml xəbər verir ki,Dövlət Statistika Komitəsindən “APA-Economics”ə verilən məlumata görə, hesabat dövründə ixrac edilən bitumlu süxurlardan alınmış xam neft və xam neft məhsullarının dəyəri 2 664 616,28 ABŞ dolları təşkil edib ki, bu da illik müqayisədə 24,4% azdır.azərbaycan yanvar-martda 7 mln. tondan çox neft ixrac edib
foto

çin iqtisadiyyatı 1992-ci ildən ən güclü artım nümayiş etdir

fidan19
Bu ilin I rübündə Çin iqtisadiyyatı rekord sürətlə – 18,3% artaraq, COVID-19 pandemiyasının yaratdığı böhrandan sonra bərpanın sürətlə getməsini nümayiş etdirib.

Goldnews.ml xəbər verir ki, "APA-Economics"in "Reuters"ə istinadən verdiyi məlumata görə, ölkədə ÜDM-in kəskin artım tempi yerli və xarici bazarlarda tələbatın yüksəlməsi və dövlətin kiçik sahibkarlara göstərdiyi yardımlarla dəstəklənib. İqtisadi artımın "Reuters"in sorğusu nəticəsində alındığı göstəricidən (19%) az olsa da, 1992-ci ildən bəri qeydə alınan ən güclü artımdır.

Qeyd edək ki, ötən ilin I rübündə Çin iqtisadiyyatlı COVID-19 virusunun sürətlə yayılması fonunda 6,8% azalmışdı. Çin dövlətin proqnozlarına əsasən, ölkənin iqtisadiyyatı bu il 6%-dən çox artacaq.çin iqtisadiyyatı 1992-ci ildən ən güclü artım nümayiş etdir
foto